9 “А” сыныбында Кулкаева М. жетекшілігімен Дүниежүзілік денсаулық сақтау күніне арналған сынып сағаты өткізілді.
Іс-шараның мақсаты – оқушыларға денсаулықтың адам өміріндегі маңызын түсіндіру, салауатты өмір салтын ұстануға баулу және өз денсаулығына жауапкершілікпен қарауға тәрбиелеу.
Сынып сағаты барысында оқушылар дұрыс тамақтану, күн тәртібін сақтау, дене белсенділігінің пайдасы, зиянды әдеттердің алдын алу туралы ой бөлісті. Сонымен қатар, денсаулықты нығайтудың қарапайым әрі тиімді жолдары талқыланды.
Оқушылар белсенді қатысып, өз пікірлерін ортаға салып, денсаулық – басты байлық екенін түсінді. Осындай тағылымы мол шаралар жас ұрпақтың денсаулығын сақтауға және нығайтуға зор ықпал етеді.
