Достығымыз жарасқан
2 а сынып оқушылары арасында 1 мамыр – Қазақстан халқының бірлігі күніне орай «Достығымыз жарасқан» тақырыбында тәрбие сағаты өткізілді.
Іс-шараның негізгі мақсаты – оқушыларды достыққа, бірлікке, татулыққа тәрбиелеу, өзара сыйластық қарым-қатынасты қалыптастыру. Тәрбие сағаты барысында оқушылар өлеңдер оқып, тақпақтар айтып, ұлттық және заманауи билер биледі. Сонымен қатар, оқушылар өз өнерлерін көрсетіп, мерекелік көңіл-күй сыйлады.
Шараға ата-аналар да қатысып, балалардың өнеріне куә болып, өз ризашылықтарын білдірді. Іс-шара жоғары деңгейде ұйымдастырылып, тәрбиелік мәні зор болды.
Сынып жетекшісі: Кипчакова Тұрғанай